Íslensk-kínverska viðskiptaráðið (ÍKV) styður við og eflir viðskipti milli Íslands og Kína og vinnur jafnframt að því að styrkja stöðu og tækifæri félagsmanna sinna á þeim vettvangi. Félagið var stofnað árið 1995 og meðal félagsmanna eru mörg af stærstu fyrirtækjum landsins. Á síðustu þremur áratugum hefur félagið vaxið og staðið fyrir fjölmörgum viðburðum með það að markmiði að efla viðskipta- og efnahagssamstarf ríkjanna tveggja.

Um ÍKV

iceland_china_shake_hands_trade_mini_1919x1031

FRAMUNDAN

VIÐSKIPTANEFND TIL KÍNA
OKTÓBER 2026

ÍKV stendur að undirbúningi viðskiptaferðar til Kína í október nk. Ferðin er öllum opin en félagsmenn ÍKV njóta sérstaks forgangs.

Í ferðinni verður lögð áhersla á tengslamyndun við kínversk fyrirtæki og stofnanir úr fjölbreyttum atvinnugreinum. Hún býður upp á einstakt tækifæri til að byggja upp ný viðskiptasambönd og efla samstarf milli Íslands og Kína.

Vert er að vekja athygli á að íslenskir ríkisborgarar þurfa ekki lengur vegabréfsáritun fyrir allt að 30 daga dvöl í Kína.

ÍKV mun leitast við að aðstoða þátttakendur við undirbúning og skipulagningu funda á meðan dvöl stendur.

Áhugasamir eru hvattir til að hafa samband við okkur fyrir nánari upplýsingar á ikv@ikv.is