Í tilefni af kínversku áramótunum efna Íslensk-kínverska viðskiptaráðið (ÍKV), Kínversk-íslenska menningarfélagið (KÍM) og sendiráð Kína á Íslandi til áramótafagnaðar 2. febrúar næstkomandi. Við fögnum ári kanínunnar, sem verður þá nýgengið í garð.
Kvöldverðurinn verður haldinn í Höfuðstöðinni, Rafstöðvarvegi 1a (gömlu kartöflugeymslunum í Elliðaárdal) og hefst kl. 19.
Viðburðurinn hefst með ávarpi sendiherra Kína, He Rulong, og stendur sendiráðið í framhaldi af því fyrir kynningu á vörusýningunni fjölsóttu, China Import Expo í Sjanghæ, sem fjöldi Íslendinga hefur sótt í áranna rás.
Matseðill
Í boði er kínverskur matur frá veitingastaðnum Tian fyrir 6.000 krónur á mann. Réttirnir eru eftirfarandi:
- Stökk Peking-önd (með hveitiköku, agúrku, vorlauk og sósu)（烤鸭。鸭饼，黄瓜，葱）
- Lambakjöt að hætti Mongólíu (自然羊肉）
- Vorrúllur（春卷）
- Kung pao-kjúklingur（宫宝鸡）
- Heimatilbúið tófú （家常豆腐）
- Steiktir dumplings (fylltar hveitibollur)（ 煎饺子）
- Pönnusteikt grænmeti.（炒蔬菜）
- Djúpsteiktar rækjur (炸虾）
- Te (茶）
Meðan á borðhaldi stendur mun Xiaohang Liu leika á kínverska hljóðfærið Guzheng.
Áramótafagnaðurinn er nú haldinn í fyrsta sinn síðan 2020. Við hvetjum félagsmenn ÍKV og KÍM eindregið til að mæta vel og bjóða maka eða öðrum félaga með.
Skráning fer fram á vef Félags atvinnurekenda. Nauðsynlegt er að skrá sig fyrir 30. janúar næstkomandi.
